दि. 2/12/2022 गोर समाजेरो खरो इतिहास गोर समाज भारत भूमीपरेरो पेलो समाज रेहेर प्रमाण (पुरावा) घणे ग्रंथेवूम सापडच. पण सविस्तर म्हणजे तपशीलवार इतिहास लखे हुये रूपेम लाभेनी. गोर समाज सिंधू संस्कृतीरो निर्माता छ, असो केणो इतिहासकार पु.श्री. सदार, नवल वियोगी, प्रताप चाटसे, प्र.रा. देशमुख, निरज (राकेश) साळुंके, राजेंद्र फुलझेले यनुरो छ. अतराच कोनी तो गोर समाज वर्णबाह्य, म्हणजे वर्ण व्यवस्था पानेवाळ छेनी. समाज धर्मवादी, जातीवादी, विषमतावादी, मूर्तीपूजावादी, मंदिर, तीर्थक्षेत्रवादी, कर्मकांडवादी, पुरोहितवादी छेनी. समाज प्रकृती म्हणजे निसर्गवादी, निसर्ग तत्त्ववादी, पूर्वजवंदक, मातृकुटुंब सत्ताक, पशु-पक्षीवंदक, वृक्षवेलीवंदक, बहादूर, लढाऊ, लोकतंत्रवादी, महिला अधिकारवादी, पशुपालक, खेती, कारागीरी, जागतिक व्यापार करणारा समाज समजो गोछ. ॠग्वेद ग्रंथेम गोर समाज पणी नामेती वळखो जावछ. ॠग्वेदमे पणी (गोर) समाजेपर गावडी चोरेर आरोप लगान इंद्र आज पणी (गोरुम) लढाइृरो इतिहास लाभ छ. लढाईम कोरूर हार वेयेर कारण गोर संरक्षण अन इज्जतबचाये सारू देशेर चारी दिशाम फैल गे. काही गोर गुप्त रूपेम दूसरे समाजे बराबर जीवन जगे लागे. काही गोर जो बाहरी देशेम बेपारे करता गे ते वो बारेर देशमेच स्थाईक वेगे. वेद ग्रंथेम गोर समाज श्रमण, द्रविड, नाग, अरि, अर्य, असुर, अनार्य, अव्रत, अपव्रत, अन्यव्रत, अदेवस्य, अनिंद्र, अयज्जवन, अश्रद्धान, अब्रम्हण: विश, किनास, कुरमी, कष्टक, असे अनेक नामेती वळखो गोछे. श्रमणेरो अर्थ श्रम, कष्ट करेवाळो, द्रविड अन पणीरो अर्थ पिसावाळो, व्यापारी, नागरो अर्थ राजा नागपालरो वंशज, अरि अन अर्यरो अर्थ शेतकरी, अहिरो अर्थ सुद्धा नागवंशी किंवा हाथीपालक, असुर म्हणजे प्राणवान, श्रेष्ठ, अनार्य म्हणजे जो आर्य छेनी, अव्रत म्हणजे कुणसो बी व्रत न करेवाळो; अपव्रत अन अन्यव्रत म्हणजे चुकीर किंवा दूसरे व्रत करेवाळ, अदेवस्य, देव, बामणेन न मानेवाळ, अनिंद्र म्हणजे इंद्रदेवेन न मानेवाळ, अयज्जवन म्हणजे यज्ञ न करेवाळ, अश्रद्धान म्हणजे देव अन कर्मकांडेपर श्रद्धा न रखाडेवाह, अब्रम्हण म्हणजे ब्राम्हणुन न मानेवाळ, विश, किनास, कुरमी, कष्टक म्हणजे खेती करेवाळ लोक, समाज असे अर्थ वेद ग्रंथेम लाभछ. एकूणच पणी (गोर) समाज आर्य बामणेर सारीच धार्मिक कर्मकांडेरे विरोधेम वेततो. म्हणजे वर्णव्यवस्था, देव, दैव, मूर्तीपूजा, मंदिर, तीर्थक्षेत्र अन निरर्थक कर्मकांडेरे विरोधेम गोर समाज वेततो. कारण सिंधू संस्कृतीरे काळेम वर्ण व्यवस्था, देव, दैव, मूर्तीपूजा, मूर्ती अन क्षेत्र निर्माण असी कल्पनाच कोनी वेतती जाती म्हणजे वर्ण व्यवस्था, देव-देवी, दैव अनेक प्रकारेर पूजा मूर्ती निर्माण, प्रार्थना, आरती, अभिषेक, तीर्थयात्रा, दान-दक्षिणा ये सारीच वातेवूरो निर्माता आयतखावू, परोपजीवी, लुटारू, बेसन खायेवाहो बामण वर्ग निर्माण किदोछ. कारण यी बामणेरो बना कष्टेरो कमाईरो धंदो, बेपार, दकान रोजगार हमी योजना बँक छ. जात अन वर्ण व्यवस्था आधारेपर, धर्मेर आधारेपर बामण केणीच संघटित केय देयेनी. सारीन अडाणी, असंघटीत, सता, संपत्तीती घणम रखाडन देशेरो पुरो मलीदा एकलो बामण अन सोबत बनीया, गुजराती, राजपूत, सिंधी, पारसीन लेन भोगमय जीवन जगरोछ. खेतेमाहीरो बुजगावणो किंवा भोकाडी अन देव, धर्म, अन कर्मकांड ये सारखेच छ. भोकाडी किंवा बुजगावणो केवळ डरेरो प्रकार छ. येच पद्धतेती जाती, धर्म, देव, देवी, दैव, मंदिर, तीर्थक्षेत्र, पूजा, प्रार्थना, आरती, अभिषेक, कर्मकांड सुद्धा बुजगावणो अन भोकाडीरो रूप अन बामणेर पेटे भरेर साधन छ. देव, धर्म, दैव, देवी, पूजा, प्रार्थना, आरती, अभिषेक, दान-दक्षिणा, तीर्थयात्रा करेवाळ सारी लोक अविचारी बुद्धिहीन छ अन ओ सारीर सारी बामणी गुलाम छ, असो मारो मत छ. बामण, देव, मंदिर, तीर्थक्षेत्र, ज्योतिष, मुहूर्त, कर्मकांड, पूजा, प्रार्थना, आरती, अभिषेक, यज्ञ, प्राण प्रतिष्ठा, वगैर बगैर विनाकष्ट बेसन खा सकेनी. करन देव धर्म दैव जाती वगैरेरो भूत बहुजनेवूर माथेम घालन बामण बसेन घीयम तळनू खारोछ अन बहुजन मात्र गुलाम बनन हाल भोगरोछ, ये सत्यन समजेर खरी गरज छ. सिंधू संस्कृतीरो विनाश वेयर कारणे, अन अन्याय, अत्याचार बढेर कारण सिंधू नदीरी राहेम राज करेवाळ लोक देशेर सारी दिशाम फैलगे, अन सिंधू क्षेत्रेम बामणी राज सुरु वेगो. बामण इ.स.नेर ांघ 1750 सेती इ.स. आंघ अंदाजे 530 तानी 1200 साल किदे. येरे बाद इ.स. पूवृ 525 ती इ.स.पूवृ 184 तानी सिद्धार्थ गोतम अन ओरे अनुयायी राज्य किदे. येरे बाद भारतेम शुंग, कण्व, कनिष्क, सातकर्णी, शक, कुशान, वाकाटक, गुप्त, पल्लव, हुण, कोरकोटक वगैरे राजा राज्य किदे. पण इंग्रज जायर बाद आजी 1947 सेती आजेतानी भारतेपर बामणच राज्य कररेछ. कांग्रेस, भाजप, कम्युनिष्ट, शिवसेना, आम आदमी सारीम बामणेवूरोच वर्चस्व रेहेरे कारण ओ हळी हळी घटनात्मक लोकशाही रद्द करन मनुस्मृतीर बामणी वर्चस्वेर हुकुमशाही अन हिंदू राष्ट्र अन हिंदू धर्म म्हणजेच बामणी राष्ट्र अन बामणी धर्म निर्माण करन बहुजनेवून गुलाम अंधश्रद्ध वेणान मनमानी राज करेरो बेत प्रयत्न कररेछ. गोर समाज कराईच अन कुणसोच धर्मवाशदी कोनी वेततो. गोर सत्य म्हणजे विद्यानिष्ठ धाटी रुढी, निसर्ग, पूर्वज, पशुवंदक वेततो अन आंघ बी रेही चाय. धमृवादी बणन बामणेवून दानदक्षिणा द्वारा बेसन खराय करता कोई गोर कोर धर्मवादी, हिंदू धर्मवादी न बणनु इच सारी गोर समाजेन विनंती छ. अपणोच हितचिंतक प्रा. ग.ह. राठोड