दि. 15-3-2021 धर्म धर्मेरो अर्थ किंवा व्याख्या काई छ ? धर्मारो निर्माण कराती अन कहा हुओ? धर्मेरो निर्माण कुण किदो अन कुणसे उद्येशती किदो? भारतेम अन जगेम कतरा धर्म छ? अनेक धर्मेवर गरज कहा पडी? गोर अबेताली बना धर्मेवाळों समाज छ काई? अबेजरनी गोर समाज कुणसे धर्मेरो पालन करलोतो? आज स्वतंत्र धर्म निर्माण करेर गोर समाजेन काह गरज पडी? आजतानी गोर धर्म स्थापन करेर गरज कहा कोणी पडी? आज धर्म स्थापन करेर गरज पडेरो कारण कणस छ? गोर समाजेर मान्स लोक आजेतानी धाई स्थापन कहा कोनी किदे? देमागुरु, गेाविंद गोर, लाखा बापु सेवालाल बापु, वसंतराव नायक साहेब, गोर धर्मे निर्माण करेर प्रयत्न किदेत काई? हिंदुधर्म,शिखधर्म, जैन धर्म, लिंगायतधर्म, शिवधर्म, सत्यशोधमार्ग अन इतर धर्मेवूरो अ%% गोर समाजेरो कोई संबंध छ? गोरधर्म स्थापनेती गोर समाजेम कुणसो परिवर्तन बनल वेरावाळो छ? गोर धर्म स्थापनेती गोर समाजेम कुणलो परिवर्तन बदल वेयवाळो छ? गोर धर्म सी गोर समाजेतानीच मर्यादित छ कि दूसरे समाजेसारु छ? गोर धर्म स्थापना रे भारत समदु:खी, समविचारी समाजमे दुरावा निर्माण कोनी य काई? गोर समाजे प्रमाण धनगर, माळी, बडरी, कैकाडी, पारधी, वगैरे सारी भटके समजावून धर्म स्थापन करी चाय काई? समाजेर नामेतीच समाज जर संघटीत लेतो बिय तो धर्मेर काई गरज छ? गोर धर्म अन गोर घाटी कुणसो फरक रेहेवालो छ? गोरधर्मेरो धर्म ग्रंथ नाम अन रुपबुप कसोरेहेलाको छ? धर्म स्थापनारे बाबतेम विचारवंतेवूरे कुणसे विचार छ? धर्मस्थापनारे बाबतेम विचारवंतेवूरे कुणसे विचार छ? धर्म स्थापनारे बाबतेम महाराज अन लोक तयार बिय काई? धर्मे नामेहेर आयतखाऊ, परोपजीव लोक तयार बिय काई? धर्मे आधारेपर जागजाग पशुबळी वेणू योग्य छ काई? धर्मेर नामेती आज देशेम जो गोंधळ चालू छ वू योगय छ काई? धर्म अन धर्म क्षेत्रेरो फायदो आज कुणसो समाज केरोछ? धर्मेर कारण बिमारी, बेकारी, अन्याय, निरक्षरता, उपासमार, शोषण की बिय काई? गोर धर्मेम नेमकी कुणसी विचारधारारी मांडणी केयवाळ छ? भारतीय धर्म निर्मितीपूर्व(आघ) गोर समाजेरो कुणसो धर्म वेतलो? गोर धर्मेम कुणस विचारधारा खासकरुन रेहेवाळ छ? गोर धर्मतीर्थेवूती गोर समाजेरो कुणसो फायदो वेयवाळो छ? गोरधर्मतीर्थेतूती गोर समाजेरो कुणसो फायदो वेयवाळो छ? सेवालाल बापुर बोधप्रद विचार धर्मबाह्य छ काई? सेवालाल बापुर बोधवचन जर धर्मयुक्त विय तो वो विचारेर मार्गेती गोर समाज वाटचाल कररोघ काई? गोरधाटीर तत्वज्ञान धर्मयुक्त छेनी काई? गोर घाटीम बामणे मध्यस्ती कहा कोनी बेतती? कुणसे धर्मेचूर कारण गोर समाज याम शेतेरी घणम जंगलेम रेतोतो. जंगल निवासी काळेम गोर समाज कुणसे धर्मेरो पालन करतोतो? गोरधाटीम गोरबाईरो कुणसो स्थान(कुणसो स्वातंत्र्या र? गोरधाटी परंपरारे कारणेती गोर समाजेरो कुणसो फायदो तोटो हुयो छ? धर्मअन धाटीर महत्वेर तत्वज्ञान कुणसा कुणस छ? धर्म अन धर्मानिरपेक्षता म कोई फरक छ? देशेर घटना धर्मनिरपेक्ष कहा बनाई गी छ? धर्मेर कारण आज कुणसे कुणसे समाजेपर अन्याय अत्याचार भेदभाव बेरोछ? धर्म निर्माण बेयर बाद गोर समाजेपरेर अन्याय दूरवेजाय कोई? नवीन धर्मेर मान्यता लेयो ऐवजी घाईधर्मेर मान्याती काई नुकसान विय? धर्मधर्म सब हे, धर्मका मर्म न जाने कहेसी धर्म मर्म न जाने तो, धर्मका कामजाल ना फैलाये। भारतेम धर्म श्रेष्ठ छ कि घटना(संविधान) श्रेष्ठ छ? दशेर गोरअन बहुजन समाजेन धर्म न्याय दिनो द कि घटना न्याय दिनीछ? बहुजन अन गोर समाजेनं संरक्षण अन हमू धर्म दिनोछ कि घटना दिनी छ? गोर बहुजनेन धर्मेरो संरक्षण करी चाय कि घटनारो संरक्षण? गोर अन बहुजनेवून शेवटी धर्म अन घटना माहिती केरो संरक्षण उदारी करण गुणगान करणू चाय? उपरेर संपूर्ण प्रश्‍नावली गोर समाज उन विचारवंतेलून विचार,चिंतन मंथन करन धर्म अन घाटभ अथवा धर्म धाटी निरपेक्षता बाबत सामुहिकरित्या निर्णय लेतू आयी चाय भरन तयार करेनु आयी. छ निवांतपणे शांतपणेती सदूर प्रश्‍नावली लाचन प्रत्येक निर्णय लेतानी योग्य मार्ग शोधेरो प्रयत्न करणु आतरीच अपेक्षा छ. विचारवंत सामुती- जयभारत- जय संविधान प्राचार्य ग.ह.राठोड