सिंधु संस्कृती काळेती गोर बंजारा समाजेर आजेतानी बदलते आये हुये नाम. गोर बंजारा समाज यी सिंधुनदी संस्कृतीरे आंघेरो समाज छ. इ.स. पूर्व 4500म सिंधुनदी काठेर मोहेजोदडो, हरप्पा, कालीबंगा लाथल, चन्होदडो वगैरे ठकाणेपर स्थाईक वेयेरे आंघ गोर समाज पाकिस्तानेरे मेहेरगड ठकाणेपर 500 ती 2000 साल वस्ती बणान रेतोतो आसो इतिहास छ. पंजाबेम समाज बादेम स्थाईक हुयोतो. मेहरगड संस्कृतीती तो आजेतानी गोर समाज शेकडोती बी जादा नामेती ओळखो गोछ. ये सारी नाम म गोर समाजेर माहितीकरता अन इतिहासेरी शोध करता काळक्रमेनुसार हेट देरेछु. ये सारी नाम चिंतनकरे सरीक छ. 1) वेद काळेमाहिर नाम :- पणी, द्रविड, मेलुहा, मुलुवा, मेलीया, श्रमण, नागवंशीय, फिनिशियन, बॉबीलोनियन. मातृसताक. 2) उत्तरवेद काळेर नाम :- आर्य, अरिय, अरि, अहि, असुर, अनार्य, विश, किनासस, कष्टक, कुटुंबी, कुळंबी, कुरमी, कृषक, पंचजन्य, अव्रत, अपव्रत, अन्यव्रत, अनिंद्र, अदेवस्य, अदेववु, अयज्जवन, अब्रम्हण: अश्रध्द, वैश्य, अवर्ण, व्रतहनं, अनास, मृध्दवाच. 3) पुराण काळेर नाम :- दैत्य, दानव, दास, दस्यु, राक्षस, पिशाच्च, भूत, सैतान, निशाचर, नरमांसभक्षक, गंधर्व, किन्नर, अगडबंब, विचित्र, लोभी, पाखंडी, कंजुस, दुष्टात्मा, मायावी, जादुपरायण. 4) इसवीसनरेबादेर नाम :- किरात, कनैत, कुनैत, कुनीत, कंटकार, कंटक, कर्कोटक, औध्यय, औद्र, पौद्र, औदुंबरा, डोम, डुम, डुमरा, कुनिंद, कसाई, कटीयार, पैशाचि, दर्दी, हलीया, चेरी, कुकर, तुषार, कस, खस, खांसी, टक, टक्का, तक्षक, वंजही, ववंजही, बहिका, बाईका, सार्थवाह, वैदेहिक, केरी, किकट, कतुरियाा, मुसलीम, शिख, राजपुत, इसाई, बौध्द, हिंदु अन ब्राह्मण. 5) मुसलीम, मोगल अब पेशवाई काळेर नाम :- वणी, बनी, वणीज,बणीज, वाणिज्य, बाणिज्य, वंजारा, बंजारा, लबाना, लभानी, लमानी, लंबाडा, शिल्पकार, कशीदाकार, लदेनिया, बळदिया, गयाशिया, गवार, गंवारिया, गोर, सुगाळी, ढाडी बंजारा, ढालीया बंजारा, भाट बंजारा, जांगड, नावी, सोनार, कंजछ मथुरा, नट, बाजीगर, सिंगाडा, कांगसीया, ढोलीय, डफडा, ओसरी मासस, मुकेरी, मुलतानी, कापडी, धानकुटे, फनाडा, सिरकी, घुगरीया, काछी, ब्रिंजारी, तुरी, बागोरा, गमळीया, बागोरा डिगोरा, बौध्द, मुसलीम, इसाई, रविदास, शिख, राजपुत, बामणीया, हिंदु, रोमा, जिप्सी सर्व गोरबंजारा नाम छ. येरे अलावा गो अन ग अक्षरे ती सुरु वेयवाळ काही नाम हेटेरे प्रमाण छ. बहुतेक करन ये सारी लोक गोर कुटुंबरच वे सकछ. गोर, गोपाळ, गोंड, गोवारी, गोरखा, गोसावी, गोंधळी, गोल्हार, गोडीया कहार, गौ, गोडबा, गाचांकी, गोधळा, गुजर, गंवार, गवारीया, गंडा, गंडी, गरोडा, गारोडी, गाडी लोहार, गाडी वडर, गोरी, गाढव भोई, गडरी, गहरा, गराशिया, गामटा, गावित, गवळी, गुरव, गौड कलाल वगैर. प्रा. ग. ह. राठोड.